Estrepitosa derrota sufrida polos nosos rapaces nun encontro funesto que se disputou o sábado día 10 de novembro do 2012 ás 18:15 no pavillón Municipal de Chapela e que enfrentou ó BM.Chapela co BM.Caselas. Os locais acadaron unha cómoda victoria fronte os nosos rapaces, que non estiveron á altura do partido. O marcador final foi BM.Chapela 31-17 BM.Caselas.
Mal partido por parte dos nosos rapaces que solo foron capazes de aguantar o envite do cadro local durante os 6 primeiros minutos, cando o marcador reflexaba un 3-1 favorable ós locais. Nese intre o BM. Chapela comezou a meterse no partido, acadando un parcial de 5-1 nos seguintes 5 minutos, debido a que o noso ataque era casi inexistente e os desacertos de cara á porteria rival eran continuos. A este funesto ataque sumóuselle unha gran desorganización na defensa, coas conseguintes exclusións que un equipo como o Chapela non desaproveita, e as cousas íanse poñer moi oscuras para os nosos. Pola súa banda, o equipo local mantiña o acerto e a actitude loitadora, tanto en defensa coma en ataque, deixando ós nosos rapaces en evidencia cun marcador no minuto 15 da primeira parte de 14-4 (se mal non recorda un servidor). Aínda nesta tesitura, os nosos mozos ían tirar de casta e empuxe para tratar de salvar o mobles, sen ter moito exito xa que os locais ían deixar o partido case sentenciado na primeira parte, cun electrónico anecdótico de 18-5.
O segundo tempo, e coa que lle estaba a cair os nosos rapaces, as súas opcións pasaban por tratar acadar un marcador máis axustado, sen baixar nunca os brazos, pelexando cada balón e disputando cada acción coma se fosen o último e a decisiva. Isto sumado a que o equipo local baixou un pouco a intensidade en defensa, propiciou algo máis de acerto dos nosos de cara á porteria, limpando minimamente a mala imaxe en ataque e en defensa que demos na primeira parte. Os minutos ían transcurrir sen moita historia, salvo algún sete metros e algunha exclusión pouco discutibles, chegando sen máis apuros ó final do partido cun resultado final de 31-17.