2ª Autonómica Masculina
Partido pertencente á segunda volta da 1ª Fase da tempada, disputado no pavillón municipal de Salceda de Caselas (Salcedaterra) o sábado día 24 de novembro do 2012 ás 18:30 e que enfrentou ó BM. Caselas e ó BM.Moaña. Os nosos rapaces resolveron o partido sen moitos apuros, dominando de principio a fin e acadando un resultado final de BM.Caselas 24-16 BM.Moaña.
Daba comezo o encontro no Municipal de Salceda e os nosos rapaces saían decididos a gañar, deixando sen moitas opción ó equipo rival nos primerios minutos do partido. Os visitantes plantexaban un ataque con dobre pivote que non foi problema para o noso equipo, unha boa actitude en defensa conseguía neutralizar o seu ataque e compensaba as perdas de balóns en ataque e os fallos ante ocasións claras de gol. Así chegouse ó descanso cun resultado de 11-7 a favor do noso equipo.
No comezo da segunda metade, e posiblemente contaxiados polo ritmo de xogo do equipo contrario, os nosos rapazes pecaron de pasividade tanto en ataque coma en defensa. O ataque rival cambiou o seu plantexamente, volvendo a colocar un só pivote, conseguindo así achegarse no marcador, cun resultado de 12-11 despois dos dez primeiros minutos. Esta situación durou só uns intres, ata que os nosos rapazes volveron a tomar as rendas do partido, acadando un parcial de 6-0 durante os seguintes dez minutos. A diferencia no marcador mántivose ata o final do encontro, nun tira e afloxa, que finalmente se transformou en 8 tantos de diferencia ó noso favor. Os nosos rapaces conseguiron os dous puntos de esta xornada tras un resultado final de BM. Caselas 24-16 BM. Moaña.
RECÓRDASE a tódolos asistentes e ó publico en xeral que as portas do noso pavillón permanecerán abertas durante os partidos e que a entrada é totalmente de balde e que o club ten a disposición de todos os asistentes unha cantina con prezos populares. ¡¡¡O NOSO EQUIPO PRECÍSATE, FORZA TERRA SALCEDA!!!