Esta sección irá destinada o que pretendemos sexa o noso futuro como clube as, ESCOLAS DEPORTIVAS DO CBM.CASELAS, nela iremos incluindo toda a información relacionada con este evento, adestramentos, partidos…etc.
Os obxectivos deste programa son:
- Promover, potenciar e recoñecer a actividade desempeñada pola entidade deportiva, recoñecida polo Concello co indicativo de calidade, na promoción da súa modalidade deportiva.
- Unificar criterios no desenvolvemento da actividade deportiva realizada pola Entidade Colaboradora.
- Fomentar a práctica deportiva entre o alumnado que se axusten ás idades das modalidades respectivas, como complemento á súa actividade física.
- Educar nos valores de cooperación e solidariedade no desenvolvemento da práctica deportiva.
- Recoñecer as súas capacidades no desenvolvemento dunha actividade deportiva.
- Potenciar as súas capacidades físico – deportivas.
A quen está dirixido:
- A todos aqueles alumnos que cumpran os requisitos de idade para cada modalidade deportiva ofertada.
- A todos os nacidos entre o 1996 e 2006 (entre 6 e 18 anos) para o programa de escolas.
Normativa xeral:
As entidade deportiva colaboradora do programa acepta en todo momento a normativa de funcionamento das instalacións e organizacións das actividades. Os pais e nais dos participantes nas actividades aceptan as normas de funcionamento e organización do BM. Caselas. A inscrición nas Escolas Deportivas permite a realización de 2 horas de actividade semanal, normalmente distribuídas en dous días diferentes, nun grupo de traballo concreto, salvo excepcións reguladas.
Material necesario:
En todas as escolas deportivas é preciso un material para a práctica deportiva, vestimenta e calzado apropiado, esta necesidade está establecida por motivos de seguridade, noutras por motivos da propia práctica deportiva, ou por motivos inherentes ou obxetivo estético da práctica deportiva.
(+info que sera actualizada).